ميني كباب لحم ينافس كباب البوفيهات

السلام عليكم ورحمة الله وبركاته

طريقة الكباب الميني ( الصغير ) تنافس البوفيهات

وأنتم جربوها واحكموا

المقادير اللي استخدمتها :
كيلو لحم مفروم طازج ( استخدمت حاشي عشان الكوليسترول أقل)
اخلطيه مع ثلاث ملاعق زبده بحرارة الغرفه ( استخدمت الزبده
الصغار ثلاث )
ثم ضعيها في مصفاة
قطعي ثلاث بصلات متوسطة قطع صغيره جداً ( تقطيع وليس فرم )
واحمسيها على النار لين تنضج بدون ماتنحرق وضعيها على اللحم
ثم البهارات ( حطيت ملعقة صغيرة بهار إسناد مشكل وملعقة صغيره
مهران كاري وملعقة من بهار البيت وملعقة فلفل أسود وملعقة كمون
وملعقة سماق كلها ملاعق حلا صغيره )وأضيفي ملح
في الخلاط هاتي حبتين صامولي وملا قبضة اليد بقدونس مغسول
وافرميهم وحطيهم عليه
ثم ( نص علبة زبادي وفصين ثوم افرميهم لحد مايختفي الثوم في
الزبادي ثم حطيه على اللحم )
اعجنيها مع بعض واتركيها نص ساعه
ثم شكليها بشكل كباب صغير ( تقريباً طول الأصبع الصغير)
حطيها في صينية مدهونه ثم في الفرن
بتلاحظين فقاعات تطلع ثم شوي شوي ينزل مويه لاتشيلينها اتركيها
راح تنشف المويه ثم يتحمر تحت ويتماسك سطحها حمريها وطلعيها
اذا حابه ريحة الفحم حطي فنجال زيت وطي فيه فحمة مولعه وغطي
عليهم في حافظة لحد مايتشرب الريحه .

الصور :

وهذا الشكل النهائي

اللهم بلغنا رمضان

» كباب حلة كباب حلة
» شيخ كباب لذيييييييييييييييييييييييذ
» كباب تنوري بالدجاج...