خطوات الالتحاق بعائل للسفر لدوله الكويت كامله

اولا هتروحى على الحجر الطبى وده( 17 ش بولس حنا-الدقى-ميدان فينى-امام المركز الثقافى الاسبانى-) تليفون0237481018

ولازم تروحى بدرى اليوم دا لانه طويل يعنى تكونى هناك على الساعه8 بالكتر اوى ويفضل تكونى هناك من 7 ونصف

هتديهم اسمك وهتستنى دورك هتدخلى جوه هيطلبوا منك

اصل الاستقدام وصوره البطاقه وصوره الباسبور وشهادات ميلاد الاطفال لو موثقه

وهما هيصوروكى جوه وهيعملولك بصمات بس دا الفيش الخاص بيهم بس هما هيعملهولك عندهم

وبعدين هتدخلى على الخزنه تدفعى فيها 690ج وهتديكى 3 ايصالات واحد للاستلام النتيجه

والتانى للمستشفى هتروحى بيه المستشفى وواحد للمعمل

كده خلاص هتطلعى على المستشفى

هناك هياخدوا منك 6صور اى خلفيه انا كنت عملها ابيض

وهتدخلى هياخدوا منك تحليل دم وبول وبراز ولازم تعملى التحليل دا هناك يعنى تاكلى كويس الصبح

وتاخدى لبوس جلسرين وانتى هناك اول ماتروحى المستشفى على لما تخلصى الكشف هتكونى عملتى التحليل

وبعدين هتدخلى تقيسى الضغط وكشف باطنه وكشف عيون واشعه صدر

وتخلصى تروحى المعمل

المعمل بقى تتصلى بيهم وانتى خارجه من الحجر الطبى تحجزى على الساعه 2 تليفون المعمل 16082

ومتتاخريش عشان الميعاد ميفتش منك ومتتقلقيش لو خلصتى بدرى وروحتى هيدخلوكى عادى

هناك بقى هياخدوا منك 2 صوره اى خلفيه انا كنت عملها ابيض وهياخدوا منك 120ج وتعملى التحليل وبعدين تروحى

وبعد 10 ايام ابدائى اتصلى على الحجر لحد مايقولك ان الورق وصل

تروحى تستلميه من هناك وتطلعى على السفاره وبرده تروحى من بدرى

وهيطلبوا منك فى السفاره

250ج
والباسبور والفيش

والنتيجه واصل الاستقدام

وهتديلك ميعاد بعد اسبوعين وتروحى تاخدى الورق بعد المده دى وتسافرى بالسلامه على الكويت

وتتصورى حوالى 30 صوره خلفيه لبنى عشان هتحتاجيها فى الكويت

والفيش المطلوب فى السفاره فيش كمبيوتر تعمليه هيطلع تانى يوم تاخديه توثقيه من الخارجيه

ولازم يكون تاريخ عمل الفيش بعد تاريخ الفيزا اللى جوزها هيبعتهالك

ولازم على طول فى اى حاجه من الاجرات دى يبقى معاكى اصل الباسبور واصل البطاقه لانهم على طول بيحتاجوها عشان ياكدوا البيانات

وطبعا تكونى مصوره ورقك كله عشان متلفيش هناك

برجاء تثبيت الموضوع

» كيكات الأعراس في الكويت
» تسع خطوات لتكوني ناجحة بعملك
» خطوات تخليص ورق الاستقدام لزوجه والاولاد