كان يامكان ياسعد يااكرام نحكى الحكايه ولا ننام طب صلوا على النبى عليه الصلاة وافضل السلام
كان فى سمكه اسمها سمكايه والسمكه دى كانت صغيره اوى وكانت عايشة مع مامتها وبعدين فى يوم كانت مامتها بتجهز الاكل وقالت لسمكايه استينى لحد ماجهز الاكل برة وفى الوقت ده طرق على الباب اصحاب سمكايه السمك الصغير وقالها اصحابها ايه رأيك ياسمكايه تيجى نلعب على الشاطئ فقالتلهم انا هقول لماما وبعدين دخلت لمامتها انا عايزه العب على الشاطئ مامتها قالتلها اوعى ياسمكايه اوعى تروحى هناك لا الصياد يكون هناك ويصطادك فزعلت سمكايه لانها مش هتروح تلعب مع اصحابهافقامت واحده من اصحابها قالتلهاطيب ماتيجى نروح من غير ما مامتك تعرف وقامت سمكايه راحت على الشاطئ وقعدوا يلعبوا ويغنوا فى البحر سمكه سمكه بتزق سمكه سمكه ع الشط واقف واقف صياد بشبكه وفجأه ايه ده ايه ده ايه اللى نزل علينا ده اه دى شبكة الصياد وقالت سمكايه يارتنى كنت سمعت كلامك ياماما وفضلت تبكى وتبكى وفى الوقت ده كانت مامة سمكايه خلصت الاكل ونادت على سمكايه وقالتلها ياسمكايه انتى فين ياسمكايه ياسمكايه وفضلت تنادى عليهاوفضلت تبكى وتبكى وتقول ياترى انتى فين ياسمكايه ياتر الصياد اصطادك ولا لا ياترى باعك ولا لاوفضلت تبكى وتنادى على سمكايه وفى الوقت ده كان الصياد اخذ السمك وسمكايه معاهم عشان يبيعهم وبعدين لقى سمكايه صغيرة اوى فقال لما اديها لاحمد ابنى وكانت سمكايه بتعيط وتقول ياريتنى كنت سمعت كلامك ياماما وبعدين احمد حطها فى حوض السمك بتاعه وبعدين سمعها وهى بتبكى فقالها مالك ياسمكه قاله انا ماسمعتش كلام ماما قالتلى ماروحش عند لشاطئ عشان الصياد مش يصطادنى بس انا مش سعت كلامها وزمها بتدور عليا دلوقتى فابن الصياد قالا متزعليش انا لو رميتك فى البحر تانى هتعرفى ترجعى البيت لوحدك وهتسمعى كلام ماما قاتله اه الله هسمع كلامها واللى هتقوله هعمله واخدها احمد ورماها فى البحر ورجعت جرى جرى جرى وسمعت مامتها وهى بتنادى عليها وقالتلها ياماما انا هنا ياماما انا ياماما حرمت اعمل كده تانى خااالص
وتوته توته خلصت الحدوته حلوة ولا ملتوتة
الخميس ديسمبر 01, 2011 11:36 am من طرف مهندس/سلامة