sherobatota
عدد المساهمات : 1005
نقاط : 3009
النشاط : 0
تاريخ التسجيل : 10/06/2011
 | | موضوع: حدوتة (الفيل النونو) الأربعاء يونيو 15, 2011 5:30 am | |
| كان يا ما كان ...ولا يحلى الكلام إلا بذكر النبى عليه الصلاة والسلام كان فيه فيل نونو مامته بتصحى كل يوم الفجر تسبح ربنا ...سبحان الله سبحان الله.... زي العصفورة والحيطة دية وزي كل حاااااااااااجة ربنا خلقها بتسبح ربنا وبعدين ماما تروح الغابة تجيب للفيل النونو الخضار اللى بياكله علشان يكبر وفى يوم صحيت مامة الفيل وسبحت ربنا وراحت الغابة وعدى وقت كتيــــــــــــــــــــــــتر وماما مجتش والفيل النونو قاعد زعلاااااااااان وجعااااااااااان عدى على البيت القرد والنعامة والأرنب قالو له مالك يا فيل يا نونو انت ليه زعلاااااان قالهم ...أنا زعلااااااااان وجعاااااااااان وحكالهم إن ماما راحت الغابة من الصبح واتأخرت أوى راحوا قايلين طيب يا فيل يا نونو إحنا هنجيبلك أكل راح القرد ونط على الشجر وجاب موز وخضار وراح الأرنب البيت وقال لماما يا ماما أرنوبة الفيل النونو جعان ماما جابت طبق كبيــــــــــــــــــــــــــر وحطت فيه خضار كتيـــــــــــــــــــــــــر خيار وجزر وخس وفاكهة كمان تفاح وموز والأرنوب جر الطبق وراح يوديه للفيل النونو أما النعامة فراحت جابت من ورق الشجر اللى عندها وبقى عند الفيل النونو أكل كتير بس لسة هو زعلااااااااااااان قاموا اصحابه القرد والأرنب والنعامة قالوا له الصبح من بدرى ناخد معانا حد كبير ونروح الغابة ندور على مامتك الفيل فرح واستنى لحد الصبح والأرنب والقرد والنعامة جم عنده وهم ماشيين قابلوا طنط الزرافة اللى رقبتها كبيــــــــــــــــــــــــــــــــــــرة وقالتلهم رايحين فين قالوا رايحين ندور على طنط فلفلة مامة الفيل النونو قالت أنا جاية معاكم علشان انتم صغيرين مش ينفع تروحوا لوحدكم وراحت طنط الزرافة وعلشان رقبتها طويلة شافت من بعيـــــــــــــــد مامة الفيل النونو فى قفص كبيـــــــــــــــــــــــــــــــــــر وجنبها عمو الصياد بس كان نايم قعدوا يفكروا يعملوا إيه الفيل قال أروح لماما قالوا لا انت هتعمل صوت والصياد يصحى طنط الزرافة قالت أحسن حد يروح القرد ويطلع على الشجرة ويروح يفتح القفل بالراحة من غير الصياد ما يحس لأنه خفيف الحركة وفعلا راح القرد وفتح القفل وطلعت طنط فلفلة ومشيت بالراااااااااااااااحة لحد لما وصلت للفيل النونو وحضنوا بعض وافتكرت إنها اليوم ده نسيت تقول حاجة مهمة جدااااااااااااا نسيت تقول ذكر الخروج من البيت وأسأل البنات يردوا (بسم الله توكلت على الله ولا حول ولا قوة إلا بالله)
لأن ربنا بيحفظنا لما نقوله.....
| |
|
