المغااااااااااات والحلبة المطحووووووووونة عاوزين تعرفوا مكوناتهم ادخلوا هنا

السلام عليكم ورحمة الله وبركاته

انا كنت ببحث في النت عن مكونات الحلبه المحوجه وبصراحة دخت جدااااااااااا لحد ما لقيت رد الاخت نور الصباح 2005 عضوه معانا هنا فى المنتدى على اخت مصريه مغتربه وكانت عاوزة تعرف المكونات بتاعت التحويجة لانها مش لاقياها جاهزة فى البلد اللى هى موجوده فيه قلت انزلها في موضوع منفصل عشان الكل يستفيد منها
وده رد نور الصباح2005 ربنا يجازيها كل خير ويرحم والدها ويجعل مثواه الجنة

حبيبتى

انا والدى رحمه الله عليه كان عطار وحاليا المحل لسه موجود
وطبعا انا عارفه هو بيتعمل ازاى سواء المغات او الحلبه الصفرا
لكن مش هتعرفى تجبيها او تعمليها
فى عود خشب اسمه مغات هو عود بيتحمص الاول زى فرع الشجر بالضبط انا طبعا عارفاه
احنا بنحمصه فى الفرن زى العيش كدا
ودا صعب جدا يتكسر فى البيت بل مستحيل للاسف
وهو دا الى بيعمل المغات
بينضاف عليه نسب متساويه من الشمر والكراويه متحمصين ايضا
ويضاف سمسم نصف مقدار الشمر والكراويه
ونسب متساويه من الكركم والقرنفل وزر الورد
وكل هذه المحتويات بينضاف لها دقيق
يعنى الكيلو من المغات بينحط له حوالى 2كيلو دقيق
اما الحلبه فبيؤخذ جزء من خلطه المغات دى
وبينضاف لها حلبه حصا مطحونه برضه صعب طحنها فى البيت لكن هى فى الاخر ارحم من المغات وممكن تتكسر شويه
للاسف كان نفسى افيدك لكن هى فعلا صعب تتعمل جدا بالبيت
لكن انتى اشربى حلبه حصا هى بتؤدى نفس الغرض
كمان حاولى تاكل خضار كتير زى الفجل والجرجير واشربى كراويه وينسون ولبن
خدى بالك لان المغات بيتخن جدا العود الواحد الى وزنه 20جرام فيه حوالى 500سعر حرارى وهو بنستخدمه للى عاوزة تتخن فى نوع مربى اسمه خرز البقر
خدى بالك احسن تفضلى تشربى تطلعى من الموضوع دا تخناناه اوى
الف مبروك على النونو ولو عاوزة اى خلطه اعشاب للنونو للمغص اقولك عليها بدل من الادويه

» تعرفوا زبده الشيا بتعمل ايه فى البشره
» من غير تفكير ادخلوا يلا :::سلطة البطاطس المسلوقة
» مممممممممم صلصة اللبن الزبادى ادخلوا بسرعة