المكونات:كيلو فراخ بانيه-بصله كبيره-ملح-فلفل اسود- ربع كيلوقسماط مطحون-نصف كوب دقيق -نصف لمونه- معلقتين كبار خل-بيضتين
الطريقه:بنجيب الفراخ ونغسلها ونحطها على مصفه تصفى الماء منها
بعد كده بنجيب بصله كبيره ونقطعها ونحطها بالخلاط ونحط شويه ماء عليها عشان تتفرم كويس
وبعد كده بنحط البصله على الفراخ بعد تصفيه الماء منها ونحط عليها الملح المناسب ونحط
ليها ملعقه صغيره فلفل اسود وشويه شطه(لمحبى الشطه)
ونعصر على الفراخ نصف اللمونه ونحط معلقتين الخل عليها
وبعد كده نحط الفراخ من ساعه الى ساعتين بالثلاجه عشان تتشرب من التتبيله
بعد مرور الوقت نطلع الفراخ
من الثلاجه ونصفى مياه البصله من عليها
ونشيل البصل خالص من عليها
جاء وقت تحمير الفراخ
بنجيب بيضتين ونحطهم على الفراخ
ونجيب طبق تالنى نحط فيه الدقيق والقسماط ونقلبهم فى بعض ونجيب قطعه قطعه من الفراخ المخلوطه بالبيض ونضغها فى القسماط المخلوط بالدقيق
وبعد الانتهاء نضع الفراخ فى الزيت بعد تسخينه
ولما الفراخ تحمر نطلعها على مناديل ورق
وبعد كده نحطها فى طبق التقديم
الخميس ديسمبر 01, 2011 11:36 am من طرف مهندس/سلامة