احلى لانشون وبيتى من مطبخى

شوفوا بقى انا عملت ايه

عملت لانشون جميل جدا

والله احلى من اللى بيتباع بره كمان

كفاية انه بيتى ومضمون مية ميه

يلا بلاش رغى كتير وشوفوالمقادير

المقادير

3 بيضات

3 قطع جبنة نستو

3 فصوص حبهان

3 معالق دقيق

2 مكعب مرقة دجاج

رشة فلفل

معلقة ببريكا

نصف كوب زيت

الطريقة


فتت مكعبين المرقة كويس ومع الجبنة وباقى المقادير

وضربتهم فى الخلاط كويس

ممكن تطحنى الحبهان انا طلعته من القشر بس

وضربت الخليط كله لحد ماختلط مع بعضة وبقى زى عجينه الكيك

جبت بقى لبانة او ماج كبير ودهنته زيت وصبيت الخليط فيه وسويته فى حمام ماء وغطيته

وسويته على نار هادية

بعد كده قلبته وهو سخن عشان ينزل بسهولة

وسبيه لحد ميبرد وكلى بقى احلى لانشون بيتى