ســـــــــــــــــــــــــــــــــــــــــبب انتحارى

[b][b][b][size=16][size=25]سبب انتحارى

أوعى تفكر أن بعدك ح يكون يوم سبب أنتحارى

وأعرف انى لما سبتك من البداية كان قرارى

أنا دلوقتي بودع قلبك واتحملت خطأ اختيارى

أصل قلبك كان أنانى من البداية

عايزنى أحبك وأعشق قلبك حتى لما تقول كفاية

لاء خلاص مش هبقى عليك وبـ إيدي كمان راح أحط نهاية

كنت بتحلم ان تهد فى يوم مكانتى

فكرت تعمل فيه ايه علشان تقتل صورة قلبى جوه مرايتى

قررت انك تجرح قلبى.... بس نسيت ان الجرح كمان هوايتى

شفت إزاى أنا بقى فهماك

غدرك كدبك كل قساك

ابعد عنى وسيبنى فى حالى أنا خلاص قررت أنساك

بكره تفوق بقى من أوهامك

عمرى ماهضعف يوم قدامك

وأوعى تحس أنك موهوب

ده سبب سحرك هو كلامك .

قصيدة " سبب انتحارى "

من ديوان مجنونة الهوى

للشاعرة هايدى دياب
جميع الحقوق محفوظة للكاتبة
[/size][/size][/b][/b][/b]