علـــــى دلعونــــــا و على دلعونــــــا؟؟؟

علـــــى دلعونــــــا و على دلعونــــــا؟؟؟
******
ويلي دلعونـا ويلـي دلعونـا
راحوبالعتمي ومـا ودعونـا
***
طيري ياروحي وشوفيلي وينن
بَيعد البحر ما بينـي وبينـن
جاي ع مهرة لكرامة عينـن
رَكع جبـال ودمّـر حصونـا
ــــــــــــــ
على دلعونا وعلى دلعونـا
حبونا ونسيو إنـن حبونـا
***
تحت شباكك ياما استنينـا
والدمعة تغلي جوى عينينا
ع بوابك ياما انتطرناو دقينا
وإنتو بالبيت وبرا تركتونا
علـى دلعونـا وعلـى دلعونـا
دلعنتـو علينـا ومـا رَحمتونـا
***
قلبـك مـشّـرع للهوى بـابـو
مش عارف حالي إن كنت صحابو
من وقت ال شفتك قلبي شو صابو
غيّردقاتـو وصـارت حنـونـا
ـــــــــــــــــ
على دلعونا وعلى دلعونا
نحنابمشفى الهوى زورونا
***
على دلعونا ويا ابن سينا
شي كمشة دوا باللهِ اعطينا
دالالن زاد ونحنا ما فينـا
كل مـا حبينـا بيعذبونـا
ــــــــــــــ
على دلعونا وعلـى دلعونـا
بعيون الحلوي رح تلمحونـا
***
ع راسي شيلن حطـن لديّـا
وكفوف الحنة بقلبي بخبيّـا
بجناحي ضمّا, بروحي بغطيّا
عشقان وجانن بالهوى جنونا
ـــــــــــــــــ
على دلعونا وعلـى دلعونـا
من خمر شفافك يا ما سكرتونا
***
ما فيي أتصور حالي بلا كـي
نعمي من ألله قلبي بيهواكـي
يا عبلة عمري بعبد سماكـي
عيونك يا حلوي لو يغمزونـا
ــــــــــــــــ
على دلعونا وعلـى دلعونـا
سوريـةأول كلمـي بالكونـا
***
سوريةالمجد شو بيعشق رسما
زين تاريخو وإسمو من إسما
والعز مفصّل توبو ع جسمـا
بلادو سورية وأصلو من هونا
ــــــــــــــــ
ويلي دلعونا ويلـي دلعونـا
بيتي عمّرتو ما بين عيونـا
***
حُبك يا سمرة خبيتو بْروحي
وإنتي عَذابي وبلسمْ جروحي
مطرحْ ما بدّك بعيوني رُوحي
قلبي ع حسابك ,فيكي مجنونا
ــــــــــــــــــ
د للي دلعونـا دللـي دلعونـا
جينا تنصيدن قامو صادونـا
***
رُوحي بترفرفْ فيكي حواليكي
عيوني نصبتنْ حراسْ عليكي
عمْ بحلمْ غنّي ما بين ايديكي
زغيّر عم يحلم ضّمي حَنونـا
________
ويللي دلعونا ويللي دلعونـا
طلّو لعنا الليلـي وعزّونـا
*****
شعرا للسمرا يرفرف ع كتافا
واصل لخصرا والهوى لحافا
قلبي للي حبا هيي للي شافا
نظرات عيونا ياما دَبحونـا
ـــــــــــ
على دلعونـا وعلـى دلعونـا
ماحلى هالحلوي أم سود عيونا
***
نزلنا ع الدبكي لمستا بإيـديْ
وكل نهدي تنزل مني قصيديْ
روحا عم تجري فيي بوريديْ
شعرا ع كتا في يتحدى الكونا
ــــــــــــــــ
على دلعونا وعلى دلعونـا
شفتا بالسّاحة تحتْ الزيتونا
***
تفاح بإيـدا تفـاح بخـدّا
بعدو ع أمو غافي ومنـدّا
كَلت التفاحة من طَرف يَدّا
تفاحة خَدّا قالـت بوسونـا
ــــــــــــــــ
على دلعونا وعلـى دلعونـا
خدودك يا حلوي شو لوعونـا
***
من حقي إنتي من حقي خدودك
يا للي أحلامي بيتا ع زنـودك
موالي حبك ع وتـر عـودك
أوف وعتابا وعلـى دلعونـا
*****
ديـــــالا