فكرتى فى تخزين البصل

ايه الجمال دهالنهاردة عملت فكرة جديدة عشان أخزن البصل
من غير ما ياخد مكان فى بلكونة ( اللى عندها بلكونة و يضايقها الشكل و التنظيف )
ولا يعمل ريحة فى المطبخ متنرفزة و على اخريأو ياخد مكان ممكن نحط فيه حاجة تانية
المهم : أنا سمعت إن فى ناس يبشروا البصل و يخزنوه فى أكياس فى الفريزر و يطلع للاستخدام عادى ، و بعدها سمعت إن كده مش صحى .. و الله أعلم مين فى الفريقين كلامه صح ملخبطة
ففكرت إنى أنفذ نفس الفكرة بس البصل يكون متشوح فى شوية زيت بس من غير أى توابل و بعدين نحطه فى الفريزر الله عليكي
الخطوات هاقولكم عليها بس من غير صور ، يعنى ما حسيتش انها مستاهلة تصوير
البصل نختار منه الحجم الكبير قدر الإمكان لأن ساعات بتكون البصلة أكبر من الكمية اللى محتاجينها للطبخة فبنشيل باقيها فى الفريزر و ده اللى عاوزين نتجنبه عشان احتمال انه يكون غلط
يتقشر البصل و يتغسل كويس و نشيل مكان الشوشة بتاعته ( الشعيرات اللى فيه ) و بعد كده نفرمه فى الكبة أو بالسكينة بالخشونة اللى بنحبها فى الأكل ..كل واحدة و حريتها تحبيه ناعم و مش باين أوى أو خشن شوية
و بعدين على النار تحطى كمية زيت مناسبة و يتقلب فيه البصل لغاية ما يبقى لونه شفاف مش تحمير عشان يناسب أى أكلة و نحطه فيها فى أى مرحلة
لما يتشوح نسيبه يبرد تماما و بعدين نحطه فى علب أو أكياس و نبططه فيها عشان المكان و عشان يريحنا و احنا بناخد منه و على الفريزر
الزيت الموجود فيه مش هيخليه مجمد و بالتالى هيبقى سهل إن وقت الاستعمال ناخد بالمعلقة و على الحلة علطول و بعدين نكمل خطوات الأكلة مع مراعاة تقليل الزيت عشان هو فيه كفاية
صحيح ممكن يكون قلبة فى عمل كمية كبيرة ياه!بس هتحسى بالراحة و توفير الوقت مع الشغل الوقت و كل ما تخلص الكمية اعملى تانى
يا ريت أعرف آراءكم .. اللى تعجبها الفكرة تدعيلى و اللى تنفذها تدعيلى أكتر
فى حفظ اللهوالله لو انتي شايفة كده ماشي