بشير بياع الفطير

كان ياما كان ولا يحلى الكلام الا بزكر النبي عليه الصلاه و السلام\\\\\
كان في ولد شطور اسمه بشير وكان اهله غلبانين و بباه و مامته معندهمش فلوس كتير
فكان بشير بيحب يساعدهم عشان كده كان بيشتغل بياع فطير
كان بيروح يبيع الفطير بتاعه قدام مدرسه اولاد ولما كان بيبيع للولاد كان
بياخد الفلوس منهم و بيحطها في علبه كانت بتاعه سمنه كانت مامته بتعمل من
السمنه دي الفطير و لما خلصت اخدها بشير عشلن يحط فيها الفلوس
و في اخر اليوم بص بشير للعلبه لقاها فاضيه فزعل اوي و قعد يعيط يا عيني على الفلوس
طلع من المدرسه مدرس اسمه استاز امين قاله مالك يا بشير
قاله فلوسي اتسرقت
قاله ولا يهمك انا هعرف مين اللي سرقهم منك
استاز امين جاب الاولاد كلهم و سالهم مين خد فلوس بشير
كلهم قالوا مش انا
بعدين طلب الاستاز من الولاد يجيب كل واحد منهم كبايه ميه و يحط فيها الفلوس اللي معاه
بعدين شاف الفلوس الي في كبايه كل ولد من الاولاد لحد ما شاف كبايه ولد منهم فيها على وش الميه دواير سمنه
فعرف ان هو ده الي اخد فلوس بشير لان فلوس بشير كانت فيها سمنه مكان علبه السمن
فاخدها استاز امين و رجعها لبشير وعاقب الولد الي اخد الفلوس من بشير
فرح بشير اويييييييييييي و رجع لمامته و باباه سعيييييييييييييييد