كل حاجة زعلانة...يا ترى فى ايه ؟؟تعالوا نعرف سوا

يلا يا ماما انتى وهى ..

تعالى يلا وغيرى صوتك ورفعيه ..

واحكى معايا يلا ..
حدوتتنا للأطفال من 3 سنوات لسن قبل المدرسة ..
دلوأتى كلامى للحلوين الصغيرين
إزيكم يا حلوييييييييييييييييييييين ..
عاملين ايه النهاردة ؟؟

يا ترى رتبتوا حاجتكم فى أماكنها

شاطريييييييييين برافو عليكم ..

نبدأ سوا يلا ..
كان يا ما كان ،،
يا سعد يا اكرام ،،
وما يحلى الكلام ،،
إلا بذكر النبى عليه الصلاة والسلام ،،،
كان فيه بيت جميل خالص ..

جوا البيت كان فى ماما بتكنس وتنضف ..

وهى بتنضف سمعت حد بيعيط من اوضة باسمة وباسم..
ايه ده ،،مين اللى بيعيط ؟؟

أنا أنا الدولاب ..
قالت ماما : بتعيط ليه يا دولاب ؟؟
قال : بسمة وباسم كل مرة يلبسوا ملابسهم يسيبونى مفتوح على طول ..
آآآآآآآآآآآآآآآآآآآآآآآآآه ...خليهم يقفلونى كل ما يفتحونى ..
أنا الدُرف بتاعتى لخلخت من قلة قفلها.

ماما قالت : يا عينى ..خلاص يا عم دواليبو ..حقك عليا ..أنا هاقفلك ..ما تزعلش .
قال : لاء انا زعلان منهم ..لأنهم بيسيبونى كتيييييييييير اوى مفتوح ..

ماما قفلت الدولاب دواليبو وسمعت فجأة صوت حد بيعيط من الصالة ..
جريت ماما تشوف في ايه ؟؟

لقيت مين يا ترى ؟؟

الكتاب كتاتيبو ..بضرب برجله ويقول ليه كده لييييييييه ؟؟

قالت ماما : فيه ايه يا كتاتيبو ؟؟
قال : شفتى باسمة وباسم فتحونى ورمونى على الأرض وبعد ما خلصوا الحدوتة ما رجعونيش لبيتى اللى فى المكتبة تانى ...
آآآآآآآآآآآآآآآآآآآآآآآآآآآآآآآآآه أنا زعلااااااااااااان ..
ماما قالت : ماتزعلش يا كتاتيبوا ..أنا هأقفلك واروحك بيتك فى المكتبة ..
ماما خدته ووديته بيته فى المكتبه ويقى مبسوط ..

شوية وماما سمعت حد تانى زعلان وبيعيط ..

ماما قالت : يوووووووووه تعبت ..كل شوية حد بيعيط ..
لقيت مين يا ترى ؟؟؟؟

لقيت الشراب شواريبو و-البلوزة- بلازيزو..

ايه يا جماعه مالكم بتعيطوا ليه ..
قالوا : باسم وباسمة أخدونا بعد ما قلعونا ورمونا وما حطوناش فى مكانا فى باسكت الغسيل ..
آآآآآآآآآآآآآآآآآآآآآآآآآه احنا زعلانين أوى أوى أوى

ماما قالت : خلاص خلاص ..ماتعيطوش ..معليش معليش ..انا هاحطكم فى الباسكت ..لا لاء ..
انا هاحطك فى الغسالة تغسلكم وتستحموا كماااااان ..
فرحت بلازيزو وفرح شراريبو أوى أوى وشكروا ماما كتيييييييييييييراوى ..

ماما تعبت وجت تقعد شوية ....

سمعت الكرسى كراسيكو تحتها عمال يعيط ..
قامت ماما وقالت له :فيه ايه؟؟؟؟؟؟؟؟؟؟؟؟؟

قال : باسمة وباسم دايما دايما ينطوا ينطوا عليا ..
لما انا تعبت خااااااااااااالص وما بقتش قادر حد يقعد عليا ..عشان متكسر وحالتى حالة...

ماما قالت : خلاص ما تزعلش ..أنا هاخليهم يعتذروا ليك وما يعملوش كده تانى ..
ما تزعلش بأه خلاص ..

سكت الكرسي كراسيكو ، بس عاوز يقلكم يا حلوين اوعوا تنطوا على الكراسي تانى عشان ما تكسرش وتعيط ..
ولو قلتوا خلاص مش هانعمل كده تانى ،،هاوريكم كراسيكوا وهو فرحان ومبسوط ..

هااااااااااااااااه مين هايقول مش هانط تانى ؟؟؟؟؟؟؟؟؟؟؟

خلاااااااااااااص ..

آدى صورة كراسيكو ..

مبسوط اوى اوى منكم ..هااااااااااااااااااااه مين هايعتذر للكرسي كراسيكو ؟؟

ايه ده ؟؟ دى ماما سمعت حد تانى بيعيط ..يا خبرمين تانى ؟؟

لقيت الكراسة كراسيكو والقلم الجاف قلاميكو والرصاص رصاصيكو ..كلهم بيعيطووووووووووووو
ماما قالت :فيه ايه ..وايه اللى طلعكم من الشنطة ؟؟
قالوا : باسم وباسمة رمونا على الأرض وبعد ما خلصوا الواجب ما رجعوناش الشنطة تانى ..
آآآآآآآآآآآآآآآآآآآآآآآآآآآآآآآآه نعمل ايه بأه حتى شوفى الجزمة جزاميكو بتعيط عشان عاوزة ترجع بيتها فى الجزامة

ماما قالت:خلاص يا جماعه معليش معليش ..هارجع كل واحد فى بيته تانى ..آآآآآآآآآآآآآه ياااااااااانى

كده يا باسم انت وباسمة تبهدلوا كل حاجة كده

وبعدييييييييييييييييين ...
ايه اللى حصل يا ترى ؟؟؟؟؟؟؟؟
باسم وباسمة جم ...
اعتذروا لكل الحاجات الزعلانة منهم ..
وأخدوا الكراسات والقلام ورجعوها شنطتهم ..
آدى باسم ...

وآدى بسمة..

شفتوا شنطتهم مبسوطة ازاى ..عشان هما أخدوها وقالوا :

لازم نقفل شنطتنا ونحطها معدولة فى مكانها وكراستنا وكتبنا هانرتبهم جوا شنطتنا ..
هيييييييييييييييييييييييييه ..

الله ..ايه الشنط الجميلة والمقفولة دى ..

يلا ...شاطريييييييييييييين ...يلا نقعد على الكرسي ده بالراحة وكويس زى الأمورة شيماء ..

ودلوأتى ..نقول لحبايبنا الشاطريييييين ..يلا نرتب غرفتنا ..ونحط حاجاتنا فى مكانها
ونقفل دواليبنا وأدراجنا ..ونحط جزمنا فى أماكنها وهدومنا النظيفة فى الدولاب ومتطبقة ومترتبة
وهدومنا اللى مش نظيفة فى الباسكت ..يلا كل حاجة فى مكانها يا حلوييييييييييين ..

مين هايرتب الأول ...مين هايسبقنى وما يتعبش ماما كتير كده ..

برافووووووووو عليكم ..
كلكم شاطرين وانا مبسوطة منكم ..خاااالص مالص
ودى بوسة منى لكل الشاطرين ..
امووووووووووووووووووووووه ..

كده خلصت حدوتى ..
توتة توتة خلصت الحدوتة

» كيف نعرف فضل الشوهاء على الحسناء
» هي حاجة اسمها ايه مش عارفة بس عجبتني وخلاص
» فكرة جديدة عشان مش ترمى حاجة من المطبخ