ضروس النظيف وسنسونة المسوسة

بسم الله الرحمن الرحيم

الحدوتة مناسبة لسن سنتين ونص لحد فوق بأه ..يعنى 3 أو 5 سنوات..

بعد كان يا ما كان ..وما يحلى الكلام ..إلا بذكر النبى عليه الصلاة والسلام ..

النهاردة هانحكى حكاية ضرس وسِنة ..
واحدة كانت قوية أوى ونظيفة واسمها ضروس النظيف..

وواحده كانت مسوسة ..واسمها سنسونة المسوسة ..

نبدأ بالشطور ضروس ...اتفضل يا ضروس .>>>>>

ازيكم يا أصحابى ..أنا ضروس النظيف ...عارفينى ..

شوفتوا أنا قوى ازاى .. ياهوووووووووووووه ..
أنا بحب الخضار والفواكه ..

أنا قوى أوى ..تعرفوا ليه ؟؟
أنا ساكن فى بوؤ الولد الشطور اللى بيغسل سنانه على طول ...أقدم لكم صاحبى..

أنا حمادة وباغسل سنانى مرتين كل يوم ..
وانتوا كمان لازم تغسلوها ..وابعدوا عن الحلويات الكتيير والسكر والشوكولاته
ولو أكلتوها لازم تغسلوا سنانكم ..
عارفين ليه ..هاتشوفوا دوأتى السنة المسوسة ..
اتفضلى يا سنسونة ..

أنا سنسونة ..سنة من أسنان ياسمين ..السوس تعبنى أوى ..
دي ياسمين شوفوها :

شوفتوا الولد النونو اللى ماما بتغسله أسنانه ..الله ..شطوووووووووور

والسِنة القوية دى اللى بتاكل خضار وفاكهه ولحوم وحاجات مفيدة أوى أوى ..

ودى صورة كمان لسنسونة وضروس مع بعض ..

يلا نحط المعجون ..

ونخلى ماما تساعدنا لو ما بنعرفش ..

ياسمين أهى جريت تغسل ..مين هايسبقها ويغسل أسنانه الأول ..

يلا يلا بسرعه ..اغسلوا أسنانكم ..ودى وردة من ضروس النظيف

للى غسل سنانه الأول ..

مع السلاااااااااااااااامة ..

اروح اغسل سنانى الأول بأه ...قبل ما سوسو ولوله وبوبو يغسلوها قبلى ..

باااااااااااااااااااااااى