الغزالة ..... وقرونها ..... ورجليها !!!!!!!!!!!!!!!

كان فى غزالة جميلة عندها قرون جمييييييييلة وهيا بتحبها قوى قوى
وكل يوم تروح عند البحيرة تشرب وهيا بتشرب تلاقى خيالها واضح فى مية البحيرة
وكانت أول ماتشوف قرونها تفرح قوى قوى
عشان قرونها طويلة وملفوفة لفة جميلة
وباقى الغزلان ماعندهمش قرون حلوة زى قرونها
وكانت تقف تغيظ صاحباتها الغزلان بقرونها الجميلة وتقولهم:

ماحدش فيكم عنده قرون جميلة زى قرونى

وهما كانو يتغاظو من كلامها خالص
بس كانت تقف كدة زعلانة كثير ومامتها تيجى جنبها تسألها:

مااااااااالك يابنتى

تقولها: أنا متضايقة قوى علشان عندى قرون جمييلة ورجليا مش جميلة رفيعين خالص وكان نفسى رجليا تبقى جميلة
ومامتها تقولها: إحمدى ربنا على كل إللى إداه ليكى عشان كل حاجة بيجيبها ربنا بيبقى ليها فايدة لينا

وهيا كانت تعيط وتقول لمامتها: يعنى أحمد ربنا على رجليا الوحشين؟؟؟!!!!!!

وكل يوم كل يوم نفس الحكاية تحب قرونها وتغيظ صاحباتها وتعيط علشان رجليها الرفيعين الوحشين

وفى يوم وهما كلهم واقفين عند البحيرة سمعو صوت جاى من بعييييييييييييييييد

هاااااااااااااااااااع هاااااااااااااااااااااااااع هاااااااااااااع

إيه ده !!!!!!!!!!!!!!!

ده صوت أسد!!!!!!!!!!!!!!!!!!

كان صوت أسد جاى من بعيد
والكل جرى

والغزالة بسرعة راحت نطت لفوووووووووووق برجليها وبعدت خالص عن الصوت

وعلشان رجليها رفيعين كانت بتجرى بسرعة أسرع من كل الغزلان والحيوانات

وتنط عاااااااالى برجليها وتبعد بعييييييييييييد
وبقى صوت الأسد بعيد قوى عنها وهيا لسة بتجرى
وفجأة !!!!!!!!!!!!!!!!!!!!!!!!!!!!!!

وهيا بتنط لفوق قرونها الملفوفة شبكت فى شجرة كبيرة
وإتشعلقت الغزالة فى الشجرة!!!

وحاولت تسلك نفسها
مش قادرة
وصوت الأسد إبتدا يقرب تانى

وهيا عمالة ترفص برجليها وتهز راسها علشان تفك قرونها من الشجرة

راحت هديت كدة شوية ................

وقالت: ياسلالالالالالالالالام
أنا كنت زعلانة قوى علشان رجليا رفيعين
وكنت مبسوطة قوى بقرونى الجميلة الملفوفة
وعمرى ماشكرت ربنا على كل حاجة جابها ليا
ودلوقت قرونى إللى كانت عاجبانى وبأغيظ بيها صاحباتى هيا السبب اللى هاتخلى الأسد ياكلنى
ورجليا كانت هيا السبب إللى هاتنقذنى من الأسد
يارب أشكرك على كل حاجة إنت خلقتها فيا

وفجأة !!!!!!
قرونها فكت من الشجرة
ونطت على الأرض
وجريت بأقصى سرعة عندا
وبعدت بعيييييييييييييد
لغاية ماهربت من الأسد خالص

وعاشت حياتها بعد كدة وهيا على طول بتشكر ربنا على كل حاجة

إيه رأيكم بقى ربنا بيجيب حاجة وحشة؟؟؟؟

لأ طبعا

كووووووووول حاجة بيجيبها ربنا جميلة
ونشكر ربنا على كووووووووووول حاجة

وتحياتى ليكم جميعا