تعالوا نضحك على الولاد شويه

IOoOI مواصفات الشباب IOoOI



سنة دراسية 8 شهور

طوووووول السنة بطيخ

اخر شهر بس هو اللى مذاكرة

و خش ع الامتحانات

و يوم الامتحان يكرم المرء او يهان


ييجى الصيف
الأجازة
الحرية
الفراغ
النوم طول النهار و السهر طول الليل
الصياعة
و الصياعة تحلى مع الشلة
العواطلية


****************

ترررن ترررررن
تررررررن تررررررررن


- الوووو .. مين؟؟

- انت صحيت يا حيوان

- عايز ايه يا سى زفت ؟ بتصحينى ليه ؟

- صحى الموت ياخويا .. قوم يا عم الجثة الساعة داخلة على 4

- ايه ؟؟ 4 الفجر ؟؟

- لا طبعا العصر يا نانوس عين مامته .. هو احنا بنصحى قبل كده يا خفيف

- 4 العصر و بتصحينى يا جزمة و من غير رباط .. اقفل بدل ما اصب عليك
اللعنات و سيبنى انام

- بس اسمع بس يا بوز الإخص انت .. دانا محضرلك بروجرااااام للخروج انهارضة
.. انما ايه .. ميخرش المية ..

- ميخرش المية ؟ قول يا عم الطشط

- شوف يا سيدى .. اولا هنطلع على حتة كافيه فى المعادى لسه فاتح جديد
انما ايه جامد طحن فحت رزع ضرب

هو المينيمام 55 جندى ( 55 جنيه يعنى ) معلش انا عارف انه غالى شوية بس
اييييييه مش هتصدق عندهم شيشة بجميع انواع الفاكهة الصيفية و الشتوية و
الربيعية و الخريفية و الدقهلية وشك فى الحيط و قفاك ليا

- ايوة بس ده مبلغ و قدره .. هنجيبه منين يا سبع البرومبة

- متخاااافش عااااااااامل حسابى .. مانا هاكلم الوالا تامر الفنجرى بق ابن
الغنية ده اللى خرج معانا المرة الفاتت
و نبرشط عالواد .. مش بقولك بروجورام ميخرش المية .. نياااااااهاهاهاها ..
نياااااااااهاهاها

- خلاص يا عم العفريت خرمتلى ودنى بالضحكة الحمارة بتاعتك دى
طب و مين تانى هييجى

- استنى بس اكملك البروجوورام .. هنطلع من الكافيه ع الساعة 12 كده

- هنطلع طبعا مش شايفين قدامنا و الدخان طالع من وداننا

- ماتخاااااافش عااااامل حسابى .. انا بقى عارف الجو ده طالبة معاه ايه ..
أحدث أفلام الوالا سعد الصغنـن " لخمة راس "

فيلم هااااااااايل هندخله حفلة ميدنايط ..

- طب و الاكل يا عم البروجراامر

- متخااااااافش والله عاااااااامل حسابى .. هنطلع من الفيلم جاعنين طبعا ..
و فيه مننا اللى رجع و جاب اللى فى بطنه فى الكافيه و فيه اللى رجع فى
السيما
بس احنا لسه طالعين من " لخمة راس " يبقى لاااازم ناكل لحمة راااس
هنطلع على عم عبده تلوث ندب الأكلة التماااااام
مش بقولك عامل حسابى ... نياااااااااااااااااااااااااها..

- خلاص خلاص طب و بعد ما ناكل و نرجع اللى كلناه هنعمل ايه يا فكيك ؟

- عيب يا شقيق عيب يا مان عيب يا كوتش عيب يا كوبلن .. و دى تفوتنى بردو

هنعمل الحاجة اللى لا تخلو منها اى خروجة شبابية تكون تماموووز .. هنطلع
على أى موووول نتلطع قدام البوابة نعاكس فى مخاليق ربنا
و يمكن ربنا يكرمنا و نختم اليوم اللذيذ ده بخناقة

- طيب كلم باقيت الاوغاد بقى و قلهم يبقوا يجيبوا بطايقهم معاهم عشان
احتمال نبات فى القسم الليلة دى

- اكلم مين يا منيل انت .. العيال مترصصة على القهوة مستنين اما اصحيك
ياللا قوم يا مدهول على عينك

- طب بقولك ايه .. عايز اسالك على حاجة من اول المكالمة
هو مين معايا ؟

- ايه الخفة دى ؟احنا هنهزر ولا ايه ؟ انا عمك و تاج راسك ياض

- عمى ايه انا ابويا مالوش اخوات ولاد ..

- انت هتقوم ولا اجيلك البيت اقرفك فى عيشتك ؟

- لا لا متجيش انت عارف ان امى مش بطيق تسمع سيرتك

- مانا عارف , ما هي امى انا كمان مبطقش تسمع سيرتى ..
المهم خلص بقى و انجز
سلالم

- سلاحف


**************



و كل يوم على كده لحد ما الاجازة تخلص

و الدراسة تدخل .. و البطيخ يشتغل

و تيجى الاجازة اللى وراها و هلوما جرجر

و لا حياة لمن تنادى

رحمة الله على الشباب

============================================
طب لو انتو عايزين تقرفونا و ده عمره ما هيحصل
1-اذا مشيتى جنب واحد منهم بصى لجزمته واضحكي

2-اذا دخلتي انتي وصاحبتك محل وفيه شبابقولي : يااااااااربي ايه المحل
البايخ ده مافيهوش حاجه تستاهل نشتريها وتعمدي يسمعوكى

3-اذا ركبتي انتي وصاحبتك الاسانسير وفيه معاكم شاب طلعي برفان من شنطتك
ورشيه فى الاسانسير
و قولي ياربي ايه الكتمه و الريحه البايخه دى

4-اذا واحد فيهم رمى ورقه ولا حاجه فى شنطتك او فى الاكياس اللي معاكى
الحقيه وقولي له::انت يابنى البتاع ده و قع منك وانت عاملى عبيط

5- اذا تعمد واحد فيهم ان يكون قريب منك وبقى يبصلك باعجاب سبيه لغايه ما
يدور وشه و بعدين اعملى كأنك بتتكلمى فى الموبايل
قولي : اهلا ياتامر انت فين ياحياتي انت مش هاتعدى علينا النهارده فى البيت
عايزه احكيلك عن القرد الى شوفته انا ونورا النهارده فى المول

7-اذا جيتي تعدى الشارع وانتي ماشيه ووقف واحد منهم ذوق يعني وخلاكى تعدى
الاول ما تمشيش من قدام عربيته لفى وامشى وراها

8-لو بتكلمي واحد على النت اذا قالك ممكن نتعرف؟؟؟
قولي : اسفه ماعنديش وقت اذا قالك طيب ليه داخله النت دام ما عندكيش وقت ؟
قوليه : عشان اتفرج على هبل الشباب اللى زيك


9-اذا كلمك واحد منهم برايفت ماترديش بسرعه يعني بين رد ورد مشوار ربع ساعه
كدا ههههههههههههههه إذا قالك ايه رايك فى الشات؟ قولي: يااااااااي يجنن
بس مشكلتى انامش بحبه


انتى كده تقدرى تحرقى دم اى شاب و تخليه يخبط دماغه فى الحيط و كمان ممكن
يولع
================================================== =

طبعا كلنا عارفين التغريات اللى
بتحصل بعد الجواز طب تعالو نشوف كده ايه اللى بيحصل للولاد ف الجواز و قبله
و بعده
بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟


بعد الشغل
بعد 6 اسابيع : (بكل رقه)حبيبتي انا جيت من الشغل
بعد 6 شهور : انا رجعت :
بعد 6 سنين : فين الاكل ياوليه ؟؟


جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! ولا جالك طرش ومابقتيش تسمعى ؟؟


وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى .اطفحيها انتى وامك .


لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟

بعد 6 سنين : كتك داهيه فى زوقك , وبكام على كدة بقى ؟


لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , اتخمدى انتى بقى

لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : نعم ياختى .انتى فاكراه بيت .... احم احم .


لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟

لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 20 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟

فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك

بعد 6 سنين : يا وليه هتبقى زى البرميل من كتر لغ الكحك .

وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى ال.... (احم احم) اهو

لم يخلفوا

المولود الاول :و عند سؤاله عند شبيه المولود: زى القمر .. شبهك
المولود التانى : شبه اخوه
المولود التالت : هيطلع حلو لمين يعنى .. لامه ولا لامه ؟ خليها فى قلبك
واسكتى احسن