من اختراعي.. فراخ بالكريما والكاري

المكونات:
- صدور فراخ مقطعة صوابع
- كريمة لباني "ممكن بتاعت جهينة"
- توابل "ثوم بودرة، كاري، ملح، فلفل، روزماري، زعتر ناشف -اوريجانو- زنجبيل"
- مكعب ماجي ، فص ثوم، شوية مية وشوية لبن
- فلفل أخضر وأحمر وأصفر مكعبات صغيرة
- ماشروم

طريقة التحضير:
- سخني الطاسة وجيبي فص الثوم وهي سخنة وادعكيها بيه عشان تاخد الطعم
- رشة زيت صغيرة وطحي عليها الفراخ وسيبيها تنزل ميتها ولما تقرب تشربها حطي الماشروم والفلفل ومكعب الماجي
- ماتخليش مية الفراخ تنشف خالص، لأن الصوص بتاعها مهم..
- ضيفي الكريمة اللباني وشوية لبن وشوية مية مش كتير وممكن تحطي عليهم معلقة دقيق صغيرة ومعلقة كاري
- تاخد غلوة ع النار واطفي عليها..

للتقديم..
ممكن تقدم مع رز ابيض أو مكرونة بالصلصة.. وللإضافة حطي على المكرونة نفس البهارات (الفلفل الملون، الروزماري والاوريجانو "الزعتر"، ومعلقتين كريمة لباني)

منقوووووووووووووووووووووووووووووووووووووووووووووووووووول