شوربة الخضار بالرز البني .. من مطبخ منال .. تحفه عن تجربه

السلام عليكم ورحمة الله وبركاته

الشوربه دي عن تجربه جميله جدا .. ولذيذه
وكمان تنفع مع نزلات البرد (عافانا الله واياكم) .. على طول اقوم اعملها بعدها بيحصل تحسن كبير بفضل الله

او للاطفال وكبار السن لانها فيها كل الخضار وكمان نشويات من الرز وممكن تطحني معاها فراخ مسلوقه فبتبقى كده كوجبه كامله ..

وتنفع كمان للريجيم لانها خفيفه

جربوها هتعجبكم باذن الله ..

باللون الاحمر هي ملاحظاتي والاضافات اللي باعملها

شوربة الخضار بالأرز البنى

½ كوب ارز بنى (باستخدم البسمتي الغامق) بيعطي سمك للشوربه بعد ما تستوي وتتهرس
حبة متوسطة كوسه، شرائح
حبة متوسطة جزر، شرائح
3 - 4 فص ثوم
3 – 4 قطع بروكلى (باستخدم قرنبيط (زهره))
3 – 4 ورقه كرنب
2 حبة متوسطة طماطم مقشرة ومقطعة
عود قرفة خشب (وساعات باضيف رشة قرفه مطحونه)
قطعة ورق غار (ورق لورا)
ملعقة صغيرة ملح
¼ ملعقة صغيرة فلفل أبيض
½ ملعقة صغيرة كمون ناعمم
¼ ملعقة كبيرة زيت
حبة متوسطة بصل، مفروم
ملعقة كبيرة عصير ليمون (عصير ليمونه)

1. اغسلى الأرزوصفيه، وضعيه فى حله متوسط الحجم.
2. اضيفى على الارز .. الكوسه، الجزر، الثوم، البروكلى، الكرنب، الطماطم، عود القرفة والغار، اضيفى 4 كوب شوربة فراخ

3. دعى القدر على نار متوسطة الى ان يغلى، خففى النار وغطى
القدر واتركيه 15 – 20 دقيقة إلى أن ينضج الأرز والخضراوات تصبح لينة.
تخلصى من عود القرفة.

باضيف اضافه من عندي لما يقرب الخضار يستوي
وهي معلقه صغيره ينسون حصى (بيعطي طعم مميز) ونص معلقه شمر حصى

ثم اطحني الشوربه في الخلاط

4. فى قدر متوسط الحجم سخنى الزيت والبصل، قلبى الى ان يصبح البصل ذهبى اللون. (ساعات مش باحمر البصل وباضيف البصله نيه في الاول تستوي مع الخضار)

اعيدى الشوربة المطحونة الى البصل، اضيفى الملح، الفلفل والكمون، دعيه يغلى لبضع دقائق.

5. اطحنى الشوربة فى ابريق الخلاط، إلى ان تصبح ناعمة. (مش باطحنها مره تانيه)

6. اضيفى عصير الليمون (باضيف عصير الليمون لما بارجع الشوربه المطحونه على النار واخليها تغلي غلوه واظبط الملح )،

اغرفيه في الاطباق

انثرى فوقه البقدونس.

باقدمه مع انصاف الليمون للي يحب يزود الليمون .. وعيش توست محمص