*افضل واسرع طريقة لتنظيف المطبخ والمواعين وتحدي!!!

انا عارفه ان معظمنا مش بيحب يدخل المطبخ بعد الغدا ويغسل المواعين ويرتب المطبخ وكمان في انسات محترمه بتهرب من شغل المطبخ والمواعين وتقول يععععععععععععع
انا بقه فتوكة بحب شغل المطبخ اوي وتنظيفة وبحس ان لما مطبخي بيكون نظيف ان البيت كله نظيف وقولت افيدك ( يكش يتمر ) هههههه
بصي ياستي انتي قبل ما تعملي اي حاجه رتبي افكارك هتبدئي ازي
اول حاجه هي ترويق المطبخ طبعا بتكون الرخامه مليانه والبوتجاز عليه حلل والحوض منيل وارضية عاوزة نظافة
همسك المطبخ حاجه حاجه في اربع خطوات بيكون المطبخ خلص
اول حاجه هنروح علي البوتجاز ونشوف الحلل هل هتتغسل ولا هتتدخل الثلاجه اللي هتتغسل نحطها تحت الحوض ( تحت الحوووووووض )
واللي هتتدخل الثلاجه ندخلها واللي هنفضيها في حله صغيرة نفضيها ونحطها تحت الحوض
تمام
تاني شي الرخامه نروقها ونحط المواعين اللي عاوزة تتحط في الحوض ونظفها ونمسحها كويس ونسبها علي الغسيل بالماء استني مش دلوقتي نغسلها
ثالث شي نكنس الارض كويس ونسبها علي المسح بس ننظفها كويس علشان لو مية وقعت واحنا بنغسل المواعين تكون الارض نظيفة
رابع شي ندخل علي المواعين ويععععع كمان مرة
اهم نقطة في غسيل المواعينهي الترتيب يعني لازم نرتب الحوض قبل ما نبداء في
الغسيل وده هيخلينا مش نئراف خالص من المواعين وهيخلينا نحب نغسلها
بصي ياسيتي

هفضي
الحواضي خطوة خطوة من كل اللي فيه ازي هشغل الحنفيه وامسك طبق طبق انزل
اللي فيه واحطه فوق الطبق التاني لحد ما احط الاطباق كلها فوق بعض واحطها
علي الرخامه
الكوبات احط فيها ميه تبوش واركانها برضو علي الرخامه
اجيب الحلل اللي تحت الحوض افضي اللي فيها احط فيها ميه تبوش علي ما اخلص من الاطباق والكوبايات
باقي
المعالق اشطفها بالميه واحطها فوق الاطباق وكلهم طبعا واسخين لسه مش اتغسلو
بس صدقوني مش هتحسو انكم تعبتم خالص كل التعب في الترتيب
خامس
حاجه بقه هي نظافة الحوض نفسه ايوة نظافة الحوض مهمه جدا علشان وانا بغسل
فيه المواعين مكنش ارفانه منه انا بعد ما طالعت كل حاجه من الحوض بنظفه
كويس واغسله باليفة علشان اعرف اشتغل فيه
وبعد كده ببداء بالكوبايات والحوض فاضي امامي واغسلهم
ثم الاطباق والمعالق
ثم الحلل اللي باشت علي ما خلصت
واخر حاجه هو مسح الرخامه بالماء
ثم الارض وبكده مطبخك بيكون فله وانتي هتكوني سعيدة لانك مش ارفانه منه