نصائح اكيدة لتغير النفس

نصائح بجد هتغيير حياتك :
ملحوظة
يا جميلة قبل ما تقرأى : لازم يكون عندك نية صادقة إنك تمشى على الخلطة
السرية دى ، و إذا أنتى معندكيش نية التطبيق يبقى ممكن تعملى أى شئ أخر غير
إنك تضيعى وقتك فى قراءة الموضوع بلا فائدة ..

فى قصة
دلوقتى إفتكرتها و أنا بكتب ، كانت جميلة و جدتى كانت دايماً تقولهالى :
كان فيه مرة رجلين واحد صالح و واحد كافر ، كان الكافر عنده طفلين و الصالح
طفليين ، الكافر كان دائم العناية بأطفاله و بيقضى معاهم أوقاته و كان
دايماً بيعلمهم مهارات حياتية و بيحاول يجنبهم عن اى مخاطر و النتيجة الطفل
بقا واعى و فاهم و قادر نه يقيم الحياة و يتأقلم معاها ، نلاقى بقا الصالح
، يقولك و أنا هتعب نفسى ليه .. أنا أدعى ربنا إن عيالى يتربوا كويس و إن
شاء الله هيتربوا أحسن تربية ، و النتيجة إن أطفاله طلعوا سيئين للغاية ،
مفيش تربية و لا دين قويم و لا أى شئ ، مع إن أبوهم كان صالح بس معندوش أى
علم بطرق التربية ، و مش عايز يجرب حاجة !!

تأملات فى القصة : القوانين الكونية
لا تحابى أحد سواء كان الشخص صالح أو ملحد ، ربيت ولادك كويس ، النتيجة :
ولاد صالحين .. هى دى الفكرة ، و على فكرة لو واحد صالح قعد يدعى ربنا يا
رب ولادى يبقو كويسين ، من غير هو ما يسعى أنه يخليهم كده ، و لا كأنه عمل
حاجة .. لإن ربنا بيقول إسعى يا عبد و أنا أعينك

تخيلى بقا إن النفس هى طفلك ، تخيلى إن نفسك هى طفلك ، يا ترى هتربيها أزاى ؟؟

حبيبتى
، إحنا بنعيش حياة واحده ، و مفيش وقت إن حياتنا يبقى كلها كسل و خمول و
قلة حيلة و حزن دائم ، مينفعش .. لونى حياتك .. و إضمنى أخرتك

طبعاً
أنا إنهارده إستحالة أقدر أقولك كل أفكارى عشان تتغيرى ، بس كل يوم هقولك
واحدة بحيث تجربى نفسك على مدار اليوم .. يا ترى قدرتى تحققى الفكرة دى ؟؟

أول خطوة .. و بجد أول خطوة عشان تتغيرى ، إعقدى النية ، يا رب أنا نيتى من انهاردة انى اتغير و أبقى إنسانة ترضيك .. يلا بينا بقا ع الأفكار :
أول فكرة عشان تتغيرى و اللى أحنا هنشرحها انهاردة بالتفصيل هى إنك تتقبلى الناس ، لازم
ببساطة
إنتى مش هتقدرى تغيرى الناس ، طول ما هتفضلى تذكرى عيوب كل واحد و تقوليله
غير كذا و غير كده ، إستحالة هتقنعيه و عارفة النتيجة لده كله إيه إن
الشخص اللى قدامك هيتبنى موقف الدفاع عن نفسه و هتدخله فى مشادات مش ليها
أى لازمة .. و السبب الأكيد فى فشل الكثير من العلاقات هو إننا عايزين
الشخص ده يبقى زى ما إحنا عايزين مش زى ما هو عايز ، و ده أكبر خطأ ، كل
واحد منا ليه شخصيته المستقلة .. و لا تدعى إنك افقه منه .. دول بالنسبة للناس إنما عائلتك اللى هى الدائرة القريبة من حياتك زى إخواتك مثلاً ممكن يتقبلوا منك النقد ، و
عندى ليكى طريقة كان الرسول عليه أفضل الصلاة و السلام بيعملها لما جاله
أحد الصحابة و مش بيقيم الليل ، فقام قال : إن فلان و قام بمدحه و لكن إذا
قام الليل ، يعنى لو إنتى عايزة تقنعى حد بالسلبية اللى عنده عشان يغيرها
إبدأى الكلام مثلاً : بإن الشخصية دى جميلة و مرحة و طيبة و كذا كذا بس يا
سلام بقا لو عملت كذا هتبقى كاملة من مجاميعه ..

فكرى كويس قوى فى الكلام اللى أنا كتبته ، و بكرة فكرة جديدة ، و كل واحدة هتقولى طبقت الفكرة دى و لا لأ

» نصائح للراحة النفسية
» عشرة نصائح فقط!!!!!!!!!!!!
» نصائح رومانسيه