لو ما فكيش شعر هيبقى فيكى ههههههههه

شفت الوصفه دى على النت واطمنت اكتر لما لقيتها من الدكتور عادل عبد العال

وده راجل محترم جدااااا ربنا يكرمه

انا جربتها من زمان ييجى3 مرات كده ولقيت شعرى بدا يتقل ( اصل انا شعرى بيطول الحمد لله بس مش بيتقل خاااالص )

وبطلت اعملها من زمان ولما افتكرتها انها كانت تقلت شعرى قلت اعملها تانى نزلت اشتريت الزيوت

اشتريت كميه صغيرة شويه فى الاول بس

الوصفة

زيت خروع

زيت خلاصة الصبار

زيت شبت

بس

ناخد معلقه كيبرة من كل زيت ونحطيهم على النار ممكن تسيبى الحلة فاضيه ع النار تسخن شويه

وبعدين تطفى النار وبعدين تحطى الزيوت عليها والنار مطفيه كده الزيوت هتبقى دافيه من سخونية الحلة

طبعا خليها اصغر حله عندك عشان الزيوت قليله

ولو شعرك طويل زودى الكميه بس يبقى التلت زيوت متساوين فى الكميه يعنى لو 2
معلقه من زيت الخروع يبقى 2 معلقه من زيت الشبت يبقى 2 معلقه من

زيت خلاصه الصبار

بس

واغسلى شعرك بميه دافيه وسيبيه ينشف شويه وافرقيه وحطيه الزيوت على شعرك ودلكى شعرك كله ومتسيبيش حته الا لما تحطى عليها زيوت

بس

وتقومى لماه كحكه خفيفه متشديش الشعر وهاتى فوطة واغسليها بميه سخنه
واعصريها ولفي بيها شعرك كله وكل ما الفوطة تبرد قومى فكيها من على شعرك

واغسليها تانى بميه سخنه واعصريها ولفى بيها الشعر وهكذا

واعدى لمده سااااااااااااااعه او اكتر انا بعد ساعه بس وبعد ما الساعه تخلص
قومى فكى الفوطة واغسلى شعرك بميه دافيه مش سخنه لانها السخنه غلط جدااااا

على الشعر اغسلى شعرك بشامبو عادى ونشفيه او سيبيه ينشف وبعدين سرحيه ولفيه
طاقيه ونامى بليل وقومى الصبح فكى الطاقيه واعملها على الجهة التانيه

ونص ساعه كده وخلاص فكيها واستمتعى باحلى شعر زى ما انا مستمتعه الوقتى انا
لسه فكه الطاقيه الوقتى وحلو ومفرود ونااااااااااعم والله

بصو بقه والله العظيم ( وانا بحلف اهوه )

انا عملتها امبارح ودى كده تبقى تانى مرة ليا انا بعمل يومين ف الاسبوع السبت والثلاثاء

بليل بعد العشاء ووالله شعرى كان خفيف من قدام

ولما عملتها مرة واحده بس ماما جت تقولى ايه ده انتى كاويه شعرك قلتلها لا عامله الوصفه دى

اصل الدكتور عادل عبد العال كان قايل عليها

لو واحده قرعه وعملتها هيطلعلها شعر

فانا حبيت اختار الجمله دى كعنوان للموضوع

ومعتقدش انى هعمل موضوع تانى فى القسم ده لان الوصفه دى هتغنيكى عن اى حاجه

وحتى دوروا عليها على جوجل دى مشهورة اوى ع النت

انا حتى كنت ناويه اروح لدكتورة جلديه عشان شعرى بس لما عملتها قلت خلاص ممكن استغنى عن الدكتورة

بس كده

اللى عايزة تقيم تقيم مش هقول لحد قيم والكلام ده بس انا حبت افيدكم بس

ياااااااااارب يبقى شعرنا طوييييييييييل وتقيييييييييل وناااااااعم ومفرووووووود

ياريت اللى تدخل وترد تامن على دعائى

ههههههههه شكرا