فى
ناس كتير بتعمل شوربه الفراخ زى بتاعه العيانين يعنى زى بتاعه المستشفيات
لاطعم ولا ريحه يعنى تحط الفرخه فى ميه بتغلى وطماطمايه وبصلايه وفلفل اسود
وكان الله بالسر عليم هاقولكم بقى طريقه تخلى الشوربه زى العسل تقطعوا
البصله مكعبات صغيره وكمان طماطمايه تقطعوها وتحطواعليهم شويه فلفل اسود
وتقطعوا الفرخه نصين او اربعه زى ماتحبوا وتحطوا ده على النار تشوحوا
الفرخه مع البصل والطماطم لحد ما لونها يتغير وتنزل شويه من ميتها بعد كده
تزودوا ميه زى ما تحبوا وتسبوها تستوى وبعد كده تملحوها وشوفوا الفرق فى
الطعم ولو هتعملوا على الشربه لسان عصفور او ملوخيا صفوها بالمصفه عشان
البصل والطماطم جربوها ان شاء الله تعجبكم.
الخميس ديسمبر 01, 2011 11:36 am من طرف مهندس/سلامة