المقادير
1كيلو جمبري.كبير.
3 كوب أرز مصري مغسول
3 بصله متوسطه مبشوره
1 ملعقه كبيره كمون.
1 ليمونه.
زيت .
الطريقه:
ينظف الجمبري وتنزع عروق الرمل وينقع في ماء وملح .
يوضع الزيت في حله كبيره علي النار ولما يسخن نضع البصل ونهدي النار ونقلب كل شويه لحد لما يبقي لونها بني (من غير ما تتحرق)(وهي دي سر الطبخه)
المهم لما تغمق خالص(لو خفتي انها تتحرق حطيه نص معلقه ماء)
بعد كده نحط الجمبري ونقلب لما لونه يبقي بني فاتح .
نضيف 3 كوب ماء ونغطي الحله ونسيبها تغلي 3 غلوات وبعدين نحط نص معلقه كمون .
وناخد شويه شوربه منها وفيه جمبري طبعا ونخليهم علي جنب.
وبعدين نحط الرز ونزود ميه عشان تغطي الرز ونحط الملح وباقي الكمون.
لما يشرب الميه نهدي النار خالص ونسيبه يستوي ولما يستوي نعصر عليه نص الليمونه.
ونقدمه وجانبه طبق الشوربه اللي طلعناها قبل الرز ومعاه نص الليمونه .
وبالهنا والعافيه.
الخميس ديسمبر 01, 2011 11:36 am من طرف مهندس/سلامة