السلام عليكم ورحمة الله وبركاته
كيف حالكم اخواتى يارب تكونو بخير
اسهل طريقة لازواله رائحة العرق لمدة 3 ايام قادمة
كلنا طبعا عندنا رائحة عرق وخصوصا تحت الابط
انا كنت زمان مهما استحمى واقعد ادعك ساعه تحت ابطى عشان ما اشم ريحة لكن ما فيش فايدة اطلع من الحمام وكانى ما دخلت
لحد ما جربت الوصفة دى ب 5 جنيه مصرى
بجيب شبة ومكعب مسك من عند العطار
بتجيبى شبه ب 2 جنيه و مكعب ب3 جنيه هيكفيكى انتى واسرتك
العطار هيديكى الشبة كدة زى الزلطة اقصد بتبقى حتت حتت على بعضها هى ومكعب المسك
تخديهم وفى الهون تنعميهم شوية وبعدين تطحنيهم فى مطحنة الخلاط وتخلطى الشبة مع المسك
وتحطيهم فى علبه وبعد ما تستحمى وتحت الابط مبلول تخدى شوية بأيدك وتحطى تحت الابط والله والله والله الريحة هتختفى تماما
وعن تجربة شخصيه
وفى بنات اصحاب الصدر الكبير بيبقى تحت صدرهم عرف بردوا ممكن تحطى هنا مش هيبقى فى ريحة ولا عرق
وعلى فكرة بيفتح تحت الابط وتحت الصدر المكانين دول بس مش اكتر من كدة
واللى تجرب الوصفة دى وتعجبها تدعيلى بسعه الرزق انا وزوجى مش طالبة اكتر من كدة
الخميس ديسمبر 01, 2011 11:36 am من طرف مهندس/سلامة