فراخ مشوية تجنن

عندى ليكم وصفة لفراخ مشوية تجنن
1- تجيبى فرختين وتنضفيهم طبعا وتقطعيهم اربع تربع وتنقعيهم فى شوية خل
2- تجيبى بصلة متوسطة وحباية طماطم كبيرة أو 2 متوسطين و4 فصوص ثوم وتوابلك الحلوة -شوية قرفة -حبهان -ورق لورا -عصير 3 ليمونات
3-تضربى الخليط ده فى الخلاط وبعدين تحطى عليهم شوية مسطردة حوالى معلقتين كبار
4- تجيبى الفراخ وتصفيهم كويس وتحمريهم شوية فى سمنة بلدى حوالى دقيقتين
5-تنقعيهم شوية حوالى ساعة فى التتبيلة
6- ترصى الفراخ فى صنية وتضيفى عليهم التتبيلة
7-تسويهم على عين البوتجاز شوية وتوطى عليهم النار
8-لما تحسى انها ابتدت تستوى دخليهم الفرن على درجة 160
9-تولعى حتة فحمة ولما تستوى الفراخ خالص طلعيها من الفرن وحطى عليها الفحمة وغطيها بغطاء وبعدين قدميها مع رز او مكرونة زى متحبى