حدوتة بسام بيروح الحمام

بسام بيروح الحمام

كان ياماكان ولد صغير اسمه بسام

كان كل يوم بالليل يبل السرير بتاعه

ويصحي بالليل مبلول ويعيط

وفي مرة قال لمامته

يا ماما انا مش عايز اعمل بيبي تاني على السرير

ماما حضنته وقالت له

يمكن النهاردة يا بسام ماتعملش بيبي على السرير

ونام بسام بس برضه صحى بالليل وسريره مبلول

وقعد يعيط ونادى على ماماته وباباه

وبعدين باباه جه وطبطب عليه وقال له ماتزعلش يا بسام

ان شاء الله بكرة مش حتبل سريرك

ولما جه الصبح بسام كان زعلان جدا

وما رضيش يشرب اللبن عشان مايبلش سريره تاني بالليل

ولما جه الليل بابا قال لبسام لازم تعمل بيبي قبل ماتنام في التواليت

وفعلا بسام راح الحمام ونام ولما صحى الصبح

كان فرحان جدا لان سريره كان ناشف

وهدومه كمان

وماما وبابا كانو فرحانين جدا بيه وقالو له يا بسام لازم

كل يوم قبل ماتنام تعمل بيبي في التواليت

وبكدة ماتبلش سريرك ولا هدومك تاني

ومن يومها و بسام كل يوم بيروح الحمام

وبيصحى فرحان

وخلاص خلصت الحدوتة

» موسوعه الفنان بسام فتوح من لوكات ومكياج بالخطوات والصور
» حدوتة قبل النــــــــــــــــــــــوم
» حدوتة حلوة ....................