بيكاتا بالفراخ والله خطيرة وسهله جدا بالصور

السلام عليكم يا حبايبي
والله دي طريقه تحفه للبيكاتا وطعمها مش طبيييييييعي بجد

اولا المقادير
1-نص كيلو بانيه
2-بصله مبشوره
3-ملح وفلفل
4-مسطرده
5-ليمونه واحده
6-200 جرام كريمه لباني (العلبه اللي ب 6.5) من جهينه
7- دقيق بسيط
8- معلقه سمنه ومعلقه زيت

نقول الطريقه بقي
اولا نتبل الفراخ بالبصل والملح والفلفل ونسيبهم احسن شويه ممكن نص ساعه وممكن تعمليها علطول بس الافضل تسيبيها







وبعدين نحاول نخلي جزء بسيط من التتبيله علي جنب علشان هنستخدمها علي النار
ثانيا نحط عصير اليمونه علي الكميه كلها يعني تقريبا نقطتين علي كل حته
وبعدن ندهن الوش والظهر بتاع قطعه البانيه بمسترده بس علي خفيف اوي اوي

وبعدين نعفرهم في الدقيق وش وظهر


وبعدين نحط معلقه السمنه ومعلقه الزيت وتسخن وبعدين ننزل بالفراخ وتحمر علي الوشين وبعدين ننزل بباقي البصل ويتشوح معاهم
ممكن ترشي رشه ملح وفلفل علي حسب الرغبه

وبعدين افتحي علبه الكريمه اللباني وانزلي بيها ووطي شويه صغيرين

يادوب الصوص يتقل وشيليها من علي النار مش هتاخد وقت خالص

وطعمها والله خطييييييير وبتجنن عليها انا وجوزي
وبالهنا والشفا